كمان لفه

مورجيحه لفلاافه...عماله تلف وتدوخنى...كفايه يا مورجيحه كفايه

ادحك...مفيش فايده يزيد الضحك مفيش فايده...صوتى يروح ..مفيش فايده...تتوه منى دحكتى..والمح فى وسط الدوخه والصور المخلوطه صورتى وانا لسه راجعه من مدرستى وفى ايدى؟ مش واضح انا ماسكه ايه فى اديه ؟تقرب ناحيتى ...لا دى مش انا دى واحده شبهى اوى...مين الى جايه دى عليه ...يا مورجيحه كفايه اقفى شويه نفسى اعرف مين الى جايه تجرى عليه...الله بأه هو مين الى بيزوق....دى بنت لا ولد ده شاب لا ده راجل يووووووووو...كفايه بأه كفايه ..ايوه يا مسهل هييييه شكلها هتروق وتحلى الزغلله بتروح شويه

وقفت...صوت الهوى بيخف من ودانى ...مفيش حد! امال مين الى كان بيزق؟ فين الناس الكتير....مين الى كانت بتجرى عليه...اكيد فى حاجه غلط طب ايه العمل؟؟ المورجيحه قربت تقف خالص انا لوحدى...ومكدبش على نفسى انا فعلاا خايفه يارب المورجيحه ما تقف

لسه فى اسأله كتير معرفتش حلها يا مين يدينى لفه كمان

اميـــــ....اميرة.....

ايوه مين؟ اصحى ياللاا مش وراكى امتحان....امتحن؟ امتحان ايه؟

بابا هى الساعه كام....فففففففففف....نفسى مره اسألو على حاجه ويجاوبنى ميسبنيش ويمشى... امتحان ايه ده الى كل تلاات ايام حاااااجه تقرف المفروض يلغوها بأه وانا الى كنت قولت ربنا هيتوب عليا مالتعليم!!

اييييييييييييييه وادى قومه!!

اما تكون عاوز تمخمخ اشرب

الليل هو النسكافيه والصبح هو اللبن...حط ده على ده ودوق طعم الزمن

===================================

عجبتنى لعمرو طاهر..مع تغيير طفيف بدل نسكافيه كان شاى

----------------------------------------

رمضان جاى يا كباتى الحمرا وهتحرم من بوزك الى بشوفو كل يوم الصبح 

كان بينا شوق ومحبه ضاعو بلوية بوزك...داهيه تحرق المحبه ويحرق الى يعوزك

قالى يا مقرفه

كلما انظر الى هذه الصوره اشعر بمدى انعكاسها بداخلى فلكم كان عام شديد الحرارة واللأحمرار

اشعر ببصيص من الحريه....وساحه كبيره من الشرود

رائحة زمان مضى.. رائحة جدتى وسوق الخضار والنافوره برأسى  التى طالما  كنت حريصه فى طلبها من  جدتى وظبطها بمنتصف رأسى

--------------

صوره لكاوتش العربه النقل الضخم الذى طالما كان يتملكنى الخوف كلما اقتربت منه كم كنت ضئيله

صوره ضبابيه بل واضحه بل ضبابيه بل واضحه

للقطات انهزاميه بليل شديد البروده  

طريق عوده مختلف للمنزل عندما انظر اليه اتذكر تللك الخطوات الصغيره السريعه 

عجلتى الحمراء السريعه شديدة البطىء

صبيان الحى ومحاولتهم لأخافتى...ذللك الرجل المجنون محااولاا اختطافى

صمت.....مزيد من الصمت .....غروب

------------------------------------

قالى اكتبى..قولتلو مبعرفش اكتب

قالى  عبرى عن رأيك هو انا بقوللك تكونى اديبه..دنتى مقرفه صحيح

قومت كتبت ؟

مدونات مصرية للجيب ------- العــدد الثـاني أخيرا

موعدنا
السبت القادم
۲۳ / ۸
بساقية عبد المنعم الصاوي بـ شارع ۲٦ يوليو بالزمالك
قاعة بستان النيل
السابعة مساء
حفل توقيع العدد الثاني من سلسلة مدونات مصرية للجيب
بعنوان
" مصر .. في قطعة جاتوه "
اشوفكم كلكم هناك
ويكون يوم جميل وحفل توقيع كالعادة فوق العادة

بعض السطور من شهر مارس

بعد التنقيب عن النقاط البيضاء....بهذه الأيام مشمشية اللون...وجدت ان القدره على التشبت بالأمل

اصعب من الأمساك بالحديد الساخن...الأمل بأن هناك فرص اخرى فى انتظارك....

ربما يوم اخر ذو شمس غاضبه وكوب من الماء المثلج....ونسمة صيفيه تتخلل خصلاات شعرك...او زلبــطــتـك على اى حال

من شدة تعلق افكارى وعقلى بالصور اصبحت ارى احلاامى عباره عن لقطات وصور...رأيتنى اتصفح جريده تحت عنوان

التحرش الجنسى..رأيتنى غاضبه..رأيتنى فى وضع تأمل فى وضع تمزق رأيت ملاامح الخوف.....ثم وجدت ذلك الشعاع وكأنك امسكت بفرشاه مبتله بذللك اللون الذهبى تخترق العناوين وتحترق فأستيقظ....اللهم اجعله خير....هناك نقطه بيضه

----------------------

اذهب الى جامعتى اجد حفل غنائى لصوت فنانى المفضل منير..... لأرى حلقات من الشباب يحاوطون الفتيات .....بالحمايه ..

تهتز الأرض من ارتفاع الصوت بالغناء......شباب رجال وفتيات...الجميع صوت واحد

اسكن بيوت الفرح ااه ممكن ..اسكت بيوت الحزن لاا يمكن..ومستحيل يا حزن راح تسكن..قدر الزمان يفهمنا ...ااه ممكن

نـــــــــــــــــقـــــطـــــــه بـــيـــضــــاء

محاولة اخيره

هناك اشياء لا يمكن تغييرها مهما حاولت جاهدا لتغييرها او حتى لتجنب حدوثها فتتقبلها وحتما تعيشها وتستشعر كل لحظه وقت حدوثها

فراق اخر..خاطرة تتحدث عن احداث الفراق ومعاناتى معاناتى انا..وانتى معاناتنا جميعا وقت الفراق

فليتنا نفترق ولا نلتقى او ليتنا نلتقى ولا نفترق....اما انا فأفضل ان نفترق ولا نلتقى..اذا اجزمنا ان القدر دائما فى صالحنا...ولكن يبقى

يبقى سؤال يتردد فى داخلى لماذا تكرار التلااقى والفراق وما الحكمه....ربما مساحة النقاء والسذاجه مزالت اكبر...فمن الحتم تكرار التجربه

حتى نتعلم.....ربما؟...اذكر فى ليالى شتاء هذا العام فتاه تبكى ..تبكى وتبكى...حتى انها فقدت السيطره واصبحت تبكى حتى بالشوارع

كم كان هذا شتاء قاسى عليها...كم اريد ان اضمك وان اريحك ولكنى لا استطيع...سامحينى..لقد حاولت مرارا وتكرارا المساعده ولكن

لم تستجيبى...لقد صليت واكثرت الدعاء بلاا جدوى....فى بعض اللحظات كنت اظن اننى كلما شكيت واستنجدت اذداد العذاب وذاد التكرار

ليتنا نلتقى ولا نفترق..ليتنا نفترق ولا نلتقى.....سحقا لهذه الخاطره..فلتدفن كما دفن ابطالها فى اوراق شتاء كئيب...وظلت اشباحها تطاردك

يا حبيبتى....فالتسعدى بأيامك القادمه....ولنلتقى ونفترق ونفترق ونلتقى دون حواجز دون امانى..دون قوانين فندع القدر يسير كما يسير..

فهناك اشياء لا يمكن تغييرها مهما حاولت جاهدا لتغييرها او تجنبها

هلوسة مبادىء الفنونزه

ورقه وقلم..وشوية كلاام راح اقولهوللك ..يمكن يحل..يمكن يبل..ويمكن اقول كلاام ممل...مش مهم المهم انى معايا ورقه وقلم وقدامى ظرف .....

وللمره الكام انا ببعتللك؟...عاوزه اقوللك وحشتينى لا وحشيتينى اوى لا وحشيتينى اوى اوى اوى

وصلنى جوابك وادينى ببعتللك الرد سألتى عن اخبارى.....وساعتها بس ادركت انى مليش اخبار...عارفه النهارده وانا ماشيه فالشارع جانى احساس غريب....حسيت انى قريبه اوى مالأرض وكل ما اتقدم خطوه احس ان الأرض دى حوض سباحه غويييييييط وان فى حجر مربوط على بطنى كل ما ابص لتحت احس انى بغرق اكتر وبقرب من الأرض اكتر واكتر

اغمض عيونى بسرعه واقول لاء مش هبص لتحت انا هبص قدامى...ومعرفش ليه كل ما ابص قدامى رجليا تتقل واخاف اكتر واكتر ..لكن لما وصلت للمكان الى كنت المفروض اقصده...لقيت اصحابى قعدت كالعاده فوسطيهم اتكلم واتكلم لحد ما وصل وااااحد مش هقوللك انو جميل ولا راح اقوللك انو فلته لكن الغريب فالموضوع...انو لما بدأ يتكلم حسيت انى عايزه اسمعه ...بقالى كتير اوى كتير اوى مبسمعش كلاام من بعد كلاامه!!!!!...عارفه انك بتسألى ايه الأخبار ...الأخبار زى ما بقوللك ان مفيش اخبار ؟!!

المهم يا ستى تخيلى انو طلع بيحب التصوير اوى اوى لا وكمان دمه خفيف ....بالرغم من بداية تعكير مودى من غير سبب الاا انى دحكت بجد...وكانت اول مره احس انى بدحك بجد من بعد ...........

لكن كنت سعيده وانا قاعده معاه اوى...فى طريقى للبيت تخيلت صورته جنب صورتى...وكنت مستغربه ان التخيل ده حصل بالسرعه دى

بس يا خساره اليوم خلص بسرعه وروحت بيتنا....وعلى ما وصلت نسيته وعلى ما وصلت كنت دوخت اوى والتعب ذاد اوى...يظهر يا سمك ايه انا داخله على الدور الى بيجيلى كل شتاء...انا بكره الشتاء و عارفه انك عارفه بس برتاح وانا بعترف الأعتراف ده

بكتبللك دلوقتى وانا على سريرى وفى ايدى المج بتاع الشاى بلبن تخيلى حاطينلى فيه ...لمون بالعسل....بس غريبه اول مره الااحظ ان الشرخ الى كان فى كبايتى من جوه كبر كده...بس الكبايه ولا يبان عليها...اه لا مش بتنقط ولا حاجه ...بس غريبه مكنش طويل كده ....انا خايفه اوى يزيد والكبايه دى تتكسر انا بحبها اوى...ودلوقتى بأه عن اذنك لحسن انا حسه انى بقيت فى قمة الهسهسه...اقوللك انا هخلى عنوان جوابى حالة هلوسه.....